Tibetan Music World 藏族音乐世界 བོད་ཀྱི་རོལ་དབྱངས་གླིང་།

Search Tibetan singers

21 Feb 2017

Dekyi Tsering new song ''Amida Buddha'' 2017

 
德吉才仁新歌《无量光佛》
''Buddha of Immeasurable light''
བདེ་སྐྱིད་ཚེ་རིང་གི་གཞས་གསར༼སྣང་བ་མཐའ་ཡས ༽
གཞས་ཚིག ལྡོང་ཡོན་ཏན་རྒྱ་མཚོ།   གཞས་གདངས། བདེ་སྐྱིད་ཚེ་རིང་།
རོལ་མོ། ཏན་ཏན། གཞས་པ། བདེ་སྐྱིད་ཚེ་རིང་།



''སྣང་བ་མཐའ་ཡས།''
གཞས་ཚིག ལྡོང་ཡོན་ཏན་རྒྱ་མཚོ།  
གཞས་གདངས། བདེ་སྐྱིད་ཚེ་རིང༏
གཞས་པ། བདེ་སྐྱིད་ཚེ་རིང༏
རོལ་མོ། ཏན་ཏན།
 
གངས་དཀར་པོའི་དབུ་རྩེར་གསེར་གྱི་ཉི་འོད་ཤར།།
རྗེ་སྐུ་དྲིན་ཅན་གྱི་བླ་མ་ཡང་ཡང་དྲན།།
རྗེ་དྲིན་ཆེན་རྩ་བའི་བླ་མ་རིན་པོ་ཆེ།
ལྷ་བླ་མ་མཁའ་འགྲོའི་བྱིན་རླབས་དང་། བོད་ཁ་བ་ཅན་པའི་བསོད་ནམས་ཀྱིས། རབ་བྱུང་བཅུ་དྲུག་པའི་ས་ཕོ་སྟག་གི་ལོར། ཤར་མདོ་སྨད་གཡང་གི་ར་བ། ས་བྱིན་ཆགས་བིས་མདོ་དཔལ་གྱི་ཐིག་ལེར། གསེར་གྱི་མཆོད་རྟེན་ཞིག་འཁྲུངས་སོང་།  དུང་གི་ཟླ་བ་ཞིག་བལྟམས་སོང་། མགོན་པོ་ཚེ་བརྟན། ཆོས་ཀྱི་རྒྱལ་མཚན། ཀུན་གཟིགས་བཅུ་བ་ཆེན་མོ་ཁྱོད་གངས་རིའི་མགོན་དུ་བྱོན་པས། ཆོལ་གསུམ་བོད་ཀྱི་དབུ་འཕང་མཐོ་སོང་། སེམས་ཀྱི་ཉི་མའི་དཔུང་གྲོགས་སུ་ཕེབས་པའི་སེང་དཀར་མོའི་སྙིང་སྟོབས་ཅན་དེ་ཁྱེད་ཡིན། ནག་པོའི་དཔུང་གི་ཁ་གནོན་དུ་བཞུགས་པའི་དཔལ་ཕྱག་ན་རྡོ་རྗེའི་རང་གཟུགས་ཀྱང་ཁྱེད་ཡིན། ཁྱེད་ཀྱི་མཁྱེན་རྒྱ་དང་སྤོབས་པ། ཁྱེད་ཀྱི་བྱམས་བརྩེ་དང་ཕྱག་ལས། དུས་ནམ་ཡང་། གདུང་དམར་བོད་པའི་སེམས་སུ་རྡོ་ལ་རི་མོ་བརྐོས་པ་ཇི་བཞིན་གསལ་ལེར་འཛུམ་ཡོད།

གངས་དཀར་པོའི་དབུ་རྩེར་གསེར་གྱི་ཉི་འོད་ཤར།།
རྗེ་སྐུ་དྲིན་ཅན་གྱི་བླ་མ་ཡང་ཡང་དྲན།།
རྗེ་དྲིན་ཆེན་རྩ་བའི་བླ་མ་རིན་པོ་ཆེ།
 
ཤར་གསར་བརྗེའི་བཅོས་བསྒྱུར་གཟི་དཔལ་དང་། བྱང་གངས་རིའི་ལྗོངས་ཀྱི་འཕོ་འགྱུར་དེས། རབ་བྱུང་བཅུ་དྲུག་པའི་ཆུ་ཕོ་སྟག་གི་ལོར། རྗེ་ཀུན་གཟིགས་བཅུ་བ་ཆེན་མོས། བོད་མདོ་དབུས་ཁམས་གསུམ་གྱི་གནས་བབས་ལ་རྒྱུས་ལོན་གནང་རྗེས། ཐུགས་དགོངས་རྩ་བ་ནས་མ་ཚིམ་པར། གཞོམ་བྲལ་དམ་བཅའ་ཞིག་གནང་སོང་། བོད་པའི་སྤྱི་ཚབ། གངས་རིའི་དུང་ཟླ། རིགས་ཀྱི་དཔའ་བོ་ཁྱོད་ཀྱིས་གངས་རིའི་བདེ་སྡུག་མཚོན་པའི་ཡིག་འབྲུ་ཁྲི་བདུན་ཅན་གྱི་སྙན་ཞུ་དེ་བྲིས་པས། རང་གི་མཚན་ཐོབ་དང་ཆེ་མཐོང་ཡོད་ཚད་སྐད་ཅིག་ལ་འཕྲོག་ཀྱང་ཐུགས་འགྱོད་མ་སྐྱེས། མི་ལོ་བཅོ་བརྒྱད་བཙོན་དོང་ལས་བསྐྱལ་ཀྱང་དཔའ་སྤོབས་དང་རིགས་ཞེན་མ་དོར། གང་དུ་ཕེབས་ཀྱང་གསུང་བཞིན་པ་བོད་བསྟན་སྲིད་ཀྱི་དོན་ཡིན། གང་ནས་བཞུགས་ཀྱང་སྒྲུབ་བཞིན་པ་བོད་འཕེལ་རྒྱས་དང་མདུན་བསྐྱོད་ཀྱི་སྐོར་ཡིན། བོད་ཀྱི་སྐད་ཡིག་དང་རིག་གཞུང་། བོད་བརྒྱུད་ནང་བསྟན་དང་སློབ་གསོ། མདོར་ན། བོད་འཕེལ་རྒྱས་སུ་མ་སོང་ན་ང་ཤི་ཡང་མིག་མི་བཙུམ་པའི་དམ་བཅའ་དང་ཐུགས་བསྐྱེད་ཟབ་མོ་ཅན། ཀུན་གཟིགས་བཅུ་བ་ཆེན་པོ་ལགས།
 
ང་ཚོས། ཁྱེད་ཀྱི་བཀའ་དྲིན་དྲན་གི་ཡོད། ཁྱེད་ཀྱི་ཕྱག་རྗེས་གླེང་གི་ཡོད། བོད་པར་ལམ་སྟོན་མཛད་པའི་རིན་པོ་ཆེ།             
ང་ཚོས། ཁྱེད་ཀྱི་བཀའ་དྲིན་དྲན་གི་ཡོད། ཁྱེད་ཀྱི་ཕྱག་རྗེས་གླེང་གི་ཡོད། ཡིག་འབྲུ་ཁྲི་བདུན་མཛད་པའི་རིན་པོ་ཆེ།


 

No comments: